--Ads--
VIGAN CITY – Maysa ti natay iti panagdinnungpar ti motorsiklo ken passenger truck bus idiay Barangay Rizal, Cabugao, Ilocos Sur.
Ti motorsiklo a Rusi ket minaneho ni Rogielito Vasquez Tangonan, agtawen iti limapulo, delivery rider, taga-Barangay Dadalaquiten Norte, Sinait.
Ti Hyundai Passenger Truck Bus ket minaneho ni Joel Ramirez Conrado, agtawen iti limapulo ket innem, taga-Barangay Bulag, Bantay.
Agpapadaya ti passenger truck bus idi nadungpar ti agpa-amianan a motorsiklo.
-- ADVERTISEMENT --
Gapu dayta, nagsagaba iti nakaro a drayber ti motorsiklo a naipaagas iti ospital ngem pimmusay bayat ti pannakatamingna.
Saan met a naan-ano ti drayber ken pasahero ti passenger truck bus.
