Rugyan inton bigat, March 2, 2026, ti House Committee on Justice ti panagdenggeg iti uppat a verified nga impeachment complaints kontra ken ni Bise Presidente Sara Duterte.
Segun ken ni Batangas Rep. Gerville “Jinky Bitrics” Luistro, chairman ti komite, ti panagdenggeg ket mapasamak manipud Marso 2 agingga 4 a nakapokus iti panagsukisok no adda naan-anay a form ken substance dagiti reklamo.
Inlawlawag ni Luistro nga usaren ti komite ti kapada a proseso ken pagannurotan a nausar iti immuna a reklamo kontra ken ni Presidente Ferdinand Marcos Jr. a na-dismiss idi napalabas a tawen.
Dagiti kangrunaan a basaran ti impeachment ket ti alegasion a madi a pannakausar ti P612.5 milyon a confidential funds iti Office of the Vice President, ken Department of Education kasta met ti panaglabsing iti Constitution kas ti graft, panagpasuksok ken saan a mailawlawag a baknang.
Segun ken ni Luistro, maikkan ti gundaway ti bise presidente a sumungbat kadagiti akusasion kas paset ti karbengan na iti due process.
