VIGAN CITY – Nangrugi idi napan a lawas ti panagbayad ti parking ticket iti mapan ti kabaybayan idiay Sta. Catalina, Ilocos Sur.
Iti pannaki-uman ti Bombo Radyo Vigan ken ni Barangay Captain Richard Ricardos manipod Barangay Paratong, Sta. Catalina, immandar ti munisipyo ti panagsingir ti parking kadagiti lugan isu a sursurotenda babaen ti panagtitinnulong dagiti Barangay Tanod iti Barangay Paratong ken Barangay Tamorong.
Segun kenkuana, P5 ti bayad ti parking ti electric bike (e-bike), P10 ti single vehicle ken P20 iti 4-wheels idinto a libre para kadagiti agindeg iti ili ti Sta. Catalina nulaketdi adda pammaneknekda.
Kinunana a ti entrance ket paset ti Barangay Paratong idinto nga exit iti Barangay Tamorong.
Nupay adda bayad ti panagparking ti lugan ket allukoyenna dagiti umili nga agpasyar latta iti baybay ta para met laeng ti panangpapintas ti araramidenda iti nasao nga ili.
VIDEO AUDIO – BARANGAY CAPTAIN RICHARD RICARDOS
