Nakompleton ti panag-imprenta ti nasurok 400,000 official ballots para iti August 29 special polls iti Fourth Legislative District iti Dasmariñas City idiay Cavite kas pinasingkedan ti Commission on Elections.
Segun ken ni Comelec Chairperson George Garcia, nakompleton ti panag-imprenta ta nagun-oddan ti 100% a pakabuklan iti 447,387 official ballots.
Kinunana a ti sumaruno a maaramid ket iti sheeting, cutting, ken stitching.
Ti printing ket nangrugi idi Biernes iti National Printing Office idiay Quezon City.
Maisayangkat ti special polls tapno masupusupan ti nabakante a puesto ni Francisco Barzaga Jr., a naikkat iti opisina idi Hulyo gapu iti “disorderly behavior, conduct unbecoming of a member, and violations of the House of Representatives Code of Conduct.”
Lima a kandidato ti agpapaidasig iti bakante a puesto, nga isuda Raul Rex Mangubat, Marvin Dupal-ag, Leysander Ordenes, Jacinto Frani Jr., ken ina ni Barzaga a ni incumbent Dasmariñas City Mayor Jennifer Barzaga.
