VIGAN CITY -Saan a nagbaliw iti pagannurutan kadagiti turista a sumbrek ti probinsya kas pinasingkedan ti provincial tourism officer.
Iti pannaki-uman ti Bombo Radyo Vigan kenni Ryan Astom, Tourism Officer ti probinsya, agtaltalinaed a kasapolan iti negatibo a resulta ti RT-PCR Test ken kasapolan a naka book da kadagiti travel agency nga accredited ti gobyerno probinsya.
Sursuruten laeng ti gobyerno probinsya iti naiyetnag nga IATF Resolution 101 ken saan da a bukod a pagannurutan ditoy Ilocos Sur.
Maragsakan met ti opisyal ta manipod November 15 agingga ita ket awan pay iti turista a nagpositibo ti COVID19 a mangipakita a napintas iti panangmanehar ken implementasyon dagiti pagannurutan.
Innayon ti opisyal a manipod nalukatan ti turismo ti probinsya sangagasut sangapulo a turista iti immayen ket mangnamnama da nga adadonto pay dagiti umay.
