Napagnunumuan ti lokal a gobierno ti Abra ken dagiti hog raisers ken butchers a maipatungpal ti 180 pesos a presyo ti live weight.
Daytoy ket kalpasan ti over supply ti baboy ken nababa a panaggatang iti live weight iti probinsia, kasta pay ti panang-gundaway dagiti ag-gatang kadagiti backyard hog raisers.
Iti pannakiuman ti Bombo Radyo Vigan ken ni congressman JB Bernos, nagaramid ti lokal a gobierno ti Abra iti Executive order a mangipangato ti presyo ti baboy tapno matulongan ken maprotektaran dagiti hog raisers.
Segun ken ni Bernos, nainget da pay a bambantayan iti panagserrek ken panagirruar dagiti baboy iti probinsia tapno maliklikan ti sakit nga African Swine Fever.
Sidadaan latta met ti lokal a gobierno a tumulong kadagiti kasapulan ken masapul a marisut a problema dagiti agtartaraken ti baboy iti nasao a lugar.
