Manamnama a ngumato ti produksion ti karne ti baboy iti pagilian iti 4.4% inton 2027, wenno 1.06 million metric tons, gapu iti pannakapalawa dagiti commercial farms ken pannakapasayaat ti genetics, nutrition ken biosecurity kontra iti African Swine Fever (ASF).
Impakdaar ti United States Department of Agriculture’s Foreign Agricultural Service (USDA-FAS) a mabalin a maapektaran ti produksion ti karne ti baboy gapu iti manamnama nga El Niño manipud iti maudi a paset ti 2026 agingga iti umuna a paset ti 2027, agraman ti salun-at ti baboy ken suplay ti taraon.
Manamnama met nga umadu ti konsumo ti karne ti baboy iti 6.4% agingga iti 1.9 milion a metriko tonelada inton tawen 2027, ken umado ti maangkat a katukad iti 7.1% agingga iti 835,000 a metriko tonelada gapu ta saan pay a nagsubli ti lokal a produksion iti lebel sakbay ti ASF.
Ti latta Brazil ti kangrunaan a supplier ti karne ti baboy iti Pilipinas gapu ta nalaklaka ti produktona ngem kadagiti suplay manipud iti European Union, Canada ken Amerika.
