--Ads--
Agtultuloy ti panagwaras ti African Swine Fever wenno ASF ditoy pagilian kalpasan nga umaboten iti 92 a barangay ti addaan iti kaso.
Segun iti Department of Agriculture, mapapigsa ti quarantine checkpoints ken maiparit ti panagbiahe dagiti apektado a baboy ken produkto nga awan ti umdas a dokumento.
Maipatpatungpal met ti targeted culling iti uneg ti maysa a kilometro a radius manipud kadagiti apektado a talon tapno malapdan ti panagwaras ti virus.
Maibalakad kadagiti hog raisers nga ingetan da ti biosecurity ken dagus nga ireport dagiti baboy nga addaan iti naisangsangayan a sintomas wenno kellaat nga ipapatay.
-- ADVERTISEMENT --
