Umaboten iti 645 ti kaso ti dengue idiay Abra manipud Enero agingga Agosto 2026, idinto a tallo ti natay, segun iti Provincial Health Office.
Adda dagiti kaso iti 26 kadagiti 27 nga ili ti probinsia.
Kaaduan ti nairekord idiay Bucay a 98, sarunwen ti Pilar a 92, Bangued a 76, ken La Paz a 60.
Dua kadagiti tallo a natay ket manipud iti Pilar.
Gapu dayta, pinabileg ti provincial government ken dagiti lokal a gobierno ti dengue prevention efforts, agraman ti panagdalus kadagiti komunidad, panangkita, ken panangikkat kadagiti mabalin a pagitlogan ti lamok.
Maal-allukoy ti publiko a pagtalinaedenda a nadalus ti aglawlaw, ikkaten, wenno kalluban dagiti pagyanan a mabalin a maurnongan iti danum tapno maliklikan ti panagadu ti lamok a mangitunda iti dengue.
