Nagballaag ti Department of Trade and Industry kadagiti retailer ken reseller nga agpangina iti presio wenno dagiti mairaman iti overpricing iti baet ti agpampannuray a price freeze kasaruno ti magnitude 6.9 a gingined idiay Cebu.
Inlawlawag ti ahensia nga agingga idi Sabado, Oktubre 4 ket awan pay ti pormal a reklamo a naipadamag mainaig iti overpricing.
Iti salinong ti Price Act wenno ti Republic Act 7851 a naamyendaran a nagbalin a Republic Act 10623, iti deklarasyon ti state of calamity ket otomatiko a maipatungpal ti 60-day price freeze iti basic commodities kas ti bagas, canned goods, instant noodles, bottled water, kape, asin, asukar, kandela ken dadduma pay.
Mabalin a sumango iti reklamo nga administratibo ken agingga P1 million a muelta dagiti aglabsing.
Mabalinda pay a maibalud iti agingga sangapulo a tawen.
