VIGAN CITY – Naka-lockdownen iti ospital idiay Dammam, Saudi Arabia nga ayan dagiti pasyente a nagpositibo ti coronavirus disease 2019.
Dayta iti pinasingkedan ni Bombo International Correspondent Lia Grey iti report na ti Bombo Radyo Vigan.
Pinasingkedan na a limitado laeng dagiti impormasyon nga iparparuwar ti Saudi government kadagiti kameng ti media isu nga imbes nga innem kuma pay iti ireport da a nagpositibo ti COVID- 19 ket lima laeng iti ibagbaga da tapnu saan nga agpanic dagiti tattao.
Nu pay kasta, ingunam-gunam ni Grey nga awan pay laeng iti agpanpanic a tattao idiay Saudi ta awan pay laeng iti panic buying ken makanay pay laeng dagiti suplay ti makan, face masks, alcohol ken sanitizer, saan a kas kadagiti sabali a pagilian nga adu ti kaso na ti nasao a virus.
