--Ads--
Sagsaganaan ti Philippine National Police (PNP) ti paskua ta impakaammo ni PNP Public Information office Chief BGen. Jean Fajardo nga ipatungpalda iti “No day off policy” manipod December 15 agingga Enero 12, 2025.
Segun ken ni Fajardo, paset dayta iti panangpainget ti pwersada ta manamnama iti panagado dagiti umili iti airport, pantalan, simbaan, malls, pagpasyaran ken dadduma pay.
Imbayog ti PNP ti Heightened Alert status-da tapno siguradoen ti kinatalged ken seguridad iti publiko iti nasao a panawen.
Iti listaan ti PNP, bimmaba ti nasurok 21% dagiti nairekord a krimen iti pagilian manipod nangrugi ti Ber months ita a tawen manipod iti nasurok 25% iti isu met la a panawen idi napan a tawen.
-- ADVERTISEMENT --
