Kinumpirmaran ti Philippine National Police (PNP) ti agwarwaras a video online maipanggep ti panagdinnungpar ti maysa a PNP-marked vehicle idiay EDSA, Quezon City.
Segun ti PNP, napasamak iti insidente idi April 17 iri EDSA northbound nga asideg iti Main Avenue, Barangay Socorro.
Karaman dayta iti maysa a PNP-marked Toyota Coaster a maar-aramat iti libreng sakay program ken maysa a pampasahero a bus.
Nagresulta ti insidente iti minor collision ken property damage ngem awan ti naireport a nadangran.
Mangisaysayangkaten ti administrative review ti PNP tapno amwen ti kompleto a detalye iti pasamak ken no adda panaglabsing iti protocol.
Siguradoenda a tignayanda iti aniaman nga agbalin a resulta iti panagtakkuat ken agtalinaed a nakatutok iti disiplina, professionalism ken panangsungbat iti amin nga operasyonda.
