Pormal nga inawat ti Department of Migrant Workers (DMW) dagiti dua a Filipino seafarer manipod MV Century Royal iti Central Office-da idiay Mandaluyong City kalpasan iti natalged a panagawidda manipod pannaka-hostage idiay Haiti.
Kasaruno ti bilin ni President Ferdinand Marcos Jr. a tulongan dagiti overseas Filipino worker a naaddaan iti parikot ken siguradoen ti panagkakaduada, nainget ti DMW a makikamkammayet iti manning agency dagiti marino tapno masigurado ti full recovery-da ken maipaay iti suportar kadakuada.
Dagiti dua a seafarer ket crew iti MV Century Royal a nahostage idiay Haiti idi April 2025.
Impaay ti DMW kadagiti biktima ti sag-P75,000 iti salinong ti AKSYON Fund idi nakaawidda idi May 23 ken June 17 iti agdama a tawen.
Nakaituding met a mangted iti nayon a suportar ti Overseas Workers Welfare Administration (OWWA) kangrunaan kadagiti annakda.
