Maisayangkat ti 2nd Quarter National Simultaneous Earthquake Drill inton Hunyo 18, segun iti Office of the Civil Defense.
Maisayangkat ti aktibidad iti pannakitinnulong ti National Disaster Risk Reduction Management and Council kasta pay dagiti dadduma nga ahensia.
Makipaset dagiti opisyal iti ceremonial pressing of the button idiay Camp Aguinaldo, Quezon City, kas signal ti panagrugi ti drill.
Kagiddan daytoy, mairusat ti Harmonized National Contingency Plan (HNCP) para iti high-intensity earthquake idiay Greater Metro Manila, a naglaon ti kabuklan a coordination plan ti gobierno no kas bilang tumama ti napigsa a ginggined, pakairamanan ti “Big One”.
Iti salinong ti HNCP, manamnama a mangipatulod ti suporta iti Metro Manila dagiti kaasideg a rehiyon kas ti Region 3 ken Region 4-A para iti search, rescue ken dadduma pay nga operasion.
