VIGAN CITY- Natalinaay a panagprotesta iti kalikagum ni Gov. Ryan Singson kadagiti militante a grupo idiay metro manila inaig iti maang-angay nga Association of Southeast Asian Nations (ASEAN) summit ditoy pagilian iti laksid nga inpalubos iti presidente.
Segun kenni Gov. Singson a presidente ti Governors’ League of the Philippines, daytoy iti panawen a panangipakita kadagiti gangannaet a lider manipud iti nadumaduma a pagilian iti kainadisiplina ken kinarespeto dagiti Pilipino .
Kinunana, saan a maigawid iti panagprotesta dagiti militante a grupo nangruna nu adda dagiti dadakkel nga aktibidad ditoy pagilian ngem kasapulan iti panagtanang.
Malaksid iti dayta, namnamaen iti gobernador a ti ASEAN Summit ket mangipaay iti pagnam-ayan kadagiti amin a member-countries.
