Nasurok walopulo a kameng ti kapulisan ti naideploy nga agbantay iti seguridad kabayatan ti inagurasyon ken ti Philippine Volleyball League Tour 2025 iti Chavit Coliseum iti Tamag, Vigan City, Ilocos Sur.
Iti pannaki-uman ti Bombo Radyo Vigan ken ni PLTCOL. Reynaldo Mendoza, manipud iti walopulo ket pito a bilang dagiti police personnel a naideploy, tallopulo ti naggapu iti sabali a police station ken iti Provincial Headquarters.
Innayon ni Mendoza nga adda nakasaganan a security plan para iti nasao nga aktibidad.
Katinnulong dagiti pannakabagi ti linteg ti Ilocos Sur Provincial Disaster Risk Reduction and Management Office nga agbantay ken mangkita iti seguridad ti kada sumrek iti coliseum.
Addanto pay dagiti K9 dogs a maideploy tapno maipasigurado nga awan ti pangta iti bomba kabayatan ti pannakaisayangkat ti aktibidad.
