Nakasaganan ti nasurok maysa milion a family food packs a maipaay kadagiti posible a maapektaran iti panagduprak ti bagyo Verbena.
Segun ken ni Department of Social Welfare and Development spokesperson Assistant Secretary Irene Dumlao, naan-anay ti relief assistance a maited para kadagiti maapektaran ti bagyo.
Agtultuloy ti repacking operation idiay Luzon Disaster Resource Center ken idiay Visayas Disaster Resource Center tapno masigurado a saan a maibusan ti relief supply.
Nakibinnulig metten ti field offices ti DSWD idiay Bicol Region, Eastern Visayas, Central Visayas, Northern Mindanao, ken CARAGA kadagiti lokal a gobierno tapno masigurado a naan-anay dagiti relief items.
Naka-standby pay dagiti specialized equipments ti DSWD tapno mapadaras ti deployment pakairamanan ti mobile command center, water trucks ken water treatment ken mobile kitchen para iti hot meals.
