Mangideploy ti Philippine National Police–National Capital Region Police Office (PNP-NCRPO) ti 9, 553 a pulis idiay Metro Manila tapno siguradoen ti seguridad iti White Ribbon March inton Domingo, Hunyo 28.
Segun ken ni NCRPO spokesperson Maj. Hazel Asilo, paset daytoy iti preventive security measures-da.
Pakipasetan dagiti sumagmamano a religious ken civil society groups ti White Ribbon March idiay Epifanio Delos Santos Avenue (Edsa) People Power Monument tapno ipanawagan ti pannaka-dusa dagiti opisial ti gobierno ken dagiti reporma.
Immunan nga impaganetget ni Bishop Efraim Tendero nga isingasing iti martsa ti pannaka-dusa dagiti korap nga opisial, panagipasa ti maysa nga husto nga anti-dynasty law ken reporma iti electoral process.
Imbilin met ni PNP chief Gen. Jose Melencio Nartatez Jr. iti NCRPO nga agisayangkat ti security assessment iti aglawlaw ti People Power Monument ken dadduma pay a kritikal nga imprastruktura sakbay ti panagummong.
