709 a pamilia wenno 2,170 individuals ti apektado iti Ilocos Sur ti panagduprak ti Bagyo Crising.
Iti pannaki-uman ti Bombo Radyo Vigan ken ni Rhon Arquelada a Provincial Disaster Risk Reduction and Management Officer, dagiti naapektaran nga umili ket naikkandan iti relief packs kas imbilin ni Governor Jerry Singson.
225 a Family Food packs (FFPs) ti naited iti ili ti Narvacan, 295 FFPs idiay Sta. Maria, siam nga FFPs idiay Santiago ken tallpulo ket siam nga FFPs iti siudad ti Vigan pakairamanan ti naited a hygiene kits ken sleeping kits.
Segun ken ni Arquelada, nairekord pay ti uppat a partially damaged a pagtaengan ken nakadadaelan ti mapatta-patta a sangapulo ket pito nga imprastraktura.
VIDEO – PDRRMO OFFICER RHON ARQUELADA
Kabayatanna, napasamak ti bassit a panagregaay iti daga iti Gregorio del Pilar ken adda pay laeng dagiti saan a madalanan a kalsada gapu iti pannaka-apektarda iti panagpangato ti danum pakairamanan ti Sigay-Salcedo road ken Sigay-Gregorio del Pilar road.
VIDEO – PDRRMO OFFICER RHON ARQUELADA
