VIGAN CITY– P 130k a gatad ti cellphone, laptop ken relo ti tinakaw dagiti saan pay a nabigbig a suspek idiay Aloha Nui hotel, iday Brgy. Paras, Candon City.
Nabigbig dagiti biktima a da Marlon Tejeros Din, 35 , branch manager ti Aloha Security Agency ken taga Palatiw, Pasig City; Jocelson Caspe Benico IV, 31 , Expansion Officer ti RD Pawnshop Inc. ken taga Brgy Dungon C, Iloilo City; ken Michael Vincent Zaldivar, 32, naasawaan, assistant group Head ti Luzon-RD Pawnshop Inc. ken taga 2449 Manggubat St, Pasay City.
Maibasar iti inisyal nga imbestigasyon, mapapati a simrek ken rimuar dagiti suspek iti kuarto babaen iti sliding window ket innala da ti laptop nga aggatad ti P20,000 ,dwa a cellphone nga aggatad ti P31,000 ken tulbek ti kotse a kukua ni Din; tablet nga aggatad ti P13,000 ken cellphone nga aggatad ti P9,000 a kukua ni Benico; ken cellphone nga aggatad ti P500 , laptop nga aggatad ti P30,000 ken relo nga aggatad ti P700 a kukua ni Zaldivar.
