Nasapa a nangideklarar iti lockdown iti gobierno iti Vietnam ta insigidada a nangiyetnag iti pagannurutan apaman a naamuanda iti maipapan iti virus a nagwaras idiay China.
Iti pannaki-uman iti Bombo Radyo Vigan kenni Cindy Relucio a mangisursuro iti maysa a learning center idiay Vietnam a tubo iti Badoc, Ilocos Norte, adda iti maisaysayangkat a holiday iti bulan iti Enero iti nasao a pagilian nga agpaut iti dua a lawas ket idi naamuandan iti maipapan iti covid-19 idiay China ket dita a nagtignay iti gobiernoda.
Idi nadanon iti Pebrero ket ditan a nasuspenso iti klase manipod iti Kindergarten agingga iti University ket apaman a nadanon iti bulan iti Marso ket nai-require nga amin a sumrek iti nasao a pagilian ket mangipakita iti health declaration inaig iti kasasaad iti salun-at ti maysa a tao.
Kasta pay a nangiyetnag iti gobierno iti Vietnam iti panagaramat iti facemask no kas panagrigan a rumuar, panangisayangkat iti social distancing nation-wide iti uneg iti tallo a lawas ken iti panangtest kadagiti mapapati a naapektaran iti covid-19.
