Umaboten iti pito ti natay gapu ti napigsa a monsoon rains iti paset ti Mindanao, segun iti National Disaster Risk Reduction and Management Council.
Maberberipika pay laeng ti dua -saggaysa manipud iti Davao Region ken iti Bangsamoro Autonomous Region in Muslim Mindanao – ken ti dua a nadunor ken maysa a mapukpukaw iti Northern Mindanao.
99,186 a pamilia wenno 482,464 a tattao kadagiti 378 a barangay idiay Zamboanga Peninsula, Northern Mindanao, Davao Region, Soccksargen, ken BARMM ti naapektaran iti dakes a paniempo.
Manipud iti nasao a bilang, 5,611 a pamilia, buklen daytoy iti 21,015 a tattao ti adda kadagiti uppat a pulo ket innem nga evacuation center idinto a 49,570, a buklen iti 247,808 a tattao, ti nakaawat iti tulong ti ruar ti evacuation centers.
