Kayat ni Senador Erwin Tulfo nga ipasardeng ti panaka biyag wenno pannakalukat manen ti Bataan Nuclear Power Plant.
Saanen a rumbeng nga ikonsiderar ti Pilipinas ti panangpabiag manen iti Bataan Nuclear Power Plant wenno BNPP gapu iti edad daytoy ken dagiti pakaseknan daytoy iti imprastruktura ken kinatalged.
Segun ken ni Tulfo, chairman ti Senate Committee on Energy, nasaysayaat no mangbangon laeng iti baro a nuclear a pasilidad ngem ti mangtarimaan iti BNPP a nalpasen idi 1984 ken kinunana a daan unay.
Kinuna ni Tulfo iti panel discussion iti Enlit Asia 2026 nga isingasingna iti Department of Energy a naan-anay a baybay-an ti BNPP.
Nupay saan a pulos a nag-operate ti BNPP para iti komersial a pannakausar, agtultuloy nga adalen dayta ti agdama nga administrasion, agraman ti panagkiddaw iti tulong manipud South Korea tapno matingiting ti posibilidad a malukatan manen ti 620-megawatt a nuclear plant.
Kabayatanna, idi Setiembre 2025 nagpirma ni Presidente Ferdinand Marcos Jr. ti Republic Act 12305 wenno Philippine National Nuclear Energy Safety Act, a nangikeddeng iti legal ken para iti natalged a pannakausar ti nuclear power plant iti pagilian.
