--Ads--
Saan a maikkatan ti premium contribution para iti Philippine Health Insurance Corporation (PhilHealth) ti sweldo dagiti solo parent nga adda iti formal setor.
Iti budget deliberation ti gakat a budget ti Department of Health, nagsaludsod ni BH party-list Rep. Robert Nazal iti PhilHealth maipapan ti panangipatungpal ti Expanded Solo Parents Welfare Act (Republic Act 11861).
Segun ken ni Bataan Rep. Albert Garcia, ti sponsor ti gakat a budget ti DOH ken attached agencies na ket narugyan a naipatungpal ti probision ti linteg sipud idi Huwebes, Setyembre 24.
Pinasinghkedan ni Garcia nga awanen ti salary deductions para ti amin nga employed solo parent, public wenno private sector-man.
-- ADVERTISEMENT --
