Nakapagpiyansan ti maysa a Criminology student a naggulo ken nangdangran ti padana nga estudyante idiay Barangay Rosario, Cervantes Ilocos Sur Kalpasan a napilaan ti kaso a panaglabsing iti Article 151 ti Revised Penal Code.
Iti pannakiuman ti Bombo Radyo Vigan ken ni PCPT Oliver Sari acting chief of police iti Cervantes Municipal Police Station, madama ti pageant iti ISPSC Cervantes nu sadino ket naka-duty ti kameng ti kapulisan idi adda napasamak a commotion, ket maysa a criminology student ti naggulo ken nangbangkog ti maysa a barito iti nadakamat a lugar.
Segun kenni PCPT Sari, dagus a naganawa dagiti kameng ti kapulisan idi napasamak ti insidente ngem saan a nagpaanawa ti suspek.
Iti agdama naka piyansan ti suspek kalpasan a naiproseso ti kaso a naipila kontra kenkuana.
