Agpada a nadunor dagiti nagkalugan iti motorsiklo gapu iti pannakaidungparda iti kongkreto nga alad iti By-Pass Road, Barangay Bagani Campo, Candon City, Ilocos Sur idi rabii, April 9, 2026.
Ti nagmaneho ti Honda Click motorcycle ket maysa a lalaki kaduana ti backride ti maysa met laeng a lalaki nga agtawen iti duapulo ket innem, awanan iti trabaho nga agpada nga agnaed idiay Barangay Allangigan 2nd, siudad ti Candon.
Agturong iti bagatan a direksyon ti motorsiklo idin nadanonna iti nasao a lugar kangrunaan iti agsang-at a paset iti kalsada, naawanan ti kontrol ti manibela ti driver ken naidungpar iti kongkreto nga alad iti akin-laud a paset iti kalsada.
Gapu dayta, ti driver iti motorsiklo ket na-fracture iti cheeckbone ken pangana, nadunor iti ulo, tengnged, akin-ngato a bibig ken akin-kannawan nga imana idinto a ti backride-na ket nagasgasan iti akin-kannawan a ramayna ken akin-kannawan a tumengna isu nga agpadada a naipan iti Candon General Hospital babaen kadagiti nagreponde a Bureau of Fire Protection personnel para iti pannakatamingda.
