Nadunor ti drayber ken backrider ti motorsiklo iti napasamak nga aksidente iti Barangay Oaig Daya, Candon City, Ilocos Sur.
Ti Honda ADV 160 motorcycle ket minaneho ti lalaki nga agtawen iti duapulo ket siam, backrider-na ti lalaki nga agtawen iti tallopulo ket siam, agpada a taga-Barangay Kamanggan, Sta. Cruz.
Iti pannaki-uman ti Bombo Radyo Vigan ken ni PLT. Jovelyn Antalan, agpapa-amianan ti motorsiklo ket idi nadanonna ti nakapasamakan ti aksidente, saan a nadlaw ti drayber ti precautionary signage iti matartarimaan a rangtay ket nadungparna daytoy agraman ti naigabor a grava ti batbato.
Gapu dayta, nadunor ti kannawan a tumeng, saka, abaga, ken barukong ti drayber idinto a ti backrider ket nadunor met ti kannawan a tumeng ken dua nga ima.
Nakainom dagiti karaman idi mapasamak ti aksidente ket iti agdama ket awan pay puot ti drayber.
