VIGAN CITY – Imbutaktak ti Philippine Statistice Authority nga awan ti rekordda kadagiti mapapati a nagannak ni Bamban, Tarlac Mayor Alice Guo a nakaikabil iti birth certificatena isunga adda posibilidad a dagiti maibagbaga a nagannakna nga aganagan ti Amelia Leal ken Angelito Guo ket maibilang a fictitious wenno posible a saan a nakapagrehistro iti PSA.
Gapo dayta, innayon ni PSA director for legal services Eliezer Ambatali, a mabalin ti siasinoman nga agipasa ti kaso tapno masuspenso ti birth certificate ni Bamban, Tarlac Mayor Alice Guo.
Nu agdesisyon ti korte a makanselar ti birth certificate ni Mayor Guo ket maisubli daytoy iti “floating status” .
Kabayatanna, adda karbengan ni Guo nga agipasa ti petisyon tapno maisimpa ti nu kamali ti ti rekordsna ti birth certificate .
Maipalagip a manarimaan ti imbestigasyon dagiti ahensya ti gobierno ken ti partido a National Party Coalision kenni Guo gapo iti mapagduduan a nasyonalidadna gapo ti panagsusupadi dagiti rekordna iti gobierno.
