Bimmaba iti 14.1 percent idi 2025 ti bilang ti currently married women nga agtawen iti sangapulo ket lima agingga uppat a pulo ket siam nga agar-aramat iti traditional family planning methods, manipud iti 16.5% idi 2022, segun iti Philippine Statistics Authority.
Kabayatanna, ngimmato iti 44.5 percent ti agar-aramat iti modern contraceptive methods manipud iti 41.8 percent idi 2022.
Segun iti Commission on Population and Development, agtultuloy a tutukanda ti panagaramat iti traditional method ta dakdakkel ti tsansa ti posibilidad ti unintended pregnancy no ikumpara iti modern methods.
Makitintinnulong ti CPD kadagiti local government unit ken health worker tapno mapalawa ti access iti husto nga impormasion ken family planning services, nangruna kadagiti lugar nga agkurang ti serbisioda a para iti salun-at.
