Naikkan ti naan-anay a panawen ti defense team ni Vice President Sara Duterte tapno makasagana iti testimonia ni AMLC Executive Director Ronel Buenaventura.
Nagkiddaw iti nayon nga oras ni Defense lead counsel Sheila Sison kalpasan a naawatda laeng idi kalman ti summary ti AMLC records, a mapatta-patta nga umabot iti 23 agingga 24 a karton ti dokumento.
Segun ken ni Sison, kasapulan a maanagda a nalaing dagiti rekord tapno maisagana dagiti saludsod para iti direct ken cross-examination, kasta payen dagiti posible nga objection kadagiti idatag ti prosekusion.
Pinatgan met ni presiding officer Francis “Chiz” Escudero ti kiddaw ti depensa, isu a maituloy ti testimonia ni Buenaventura inton Oktubre 5, idinto a mayakar kadagiti sumaruno a petsa ti panagtestigo dagiti mangibagi ti insurance companies, dagiti bangko ken Bureau of Internal Revenue.
