Produksion ti irik, manamnama a bumaba iti 3rd quarter

Manamnama a bumaba iti 15 percent ti produksion ti irik iti Pilipinas iti maikatlo a quarter ti tawen gapu iti bimmassit nga apit.

Segun iti Philippine Statistics Authority (PSA), posible nga umabot laeng iti 3.19 milion metriko tonelada ti produksion manipud Hulyo agingga Setyembre, no ikumpara iti 3.75 milion metriko tonelada idi napan a tawen.

Kabayatanna, manamnama a bumaba met iti 14.4 percent ti produksion ti mais, wenno 2.08 milion metriko tonelada.

Innayon ti PSA a ti kangrunaan a rason ti bimmaba a produksion ti mais ken irik ket ti basbassit a lugar a mabalin a pagapitan ita a quarter.