Naisayangkat ita nga aldaw ti test run ken demonstration ti maysa nga agricultural drone a maaramat iti panangpabunga kadagiti kapagayan idiay Barangay Sulvec, Narvacan, Ilocos Sur.
Naisayangkat ti aktibidad manipud alas nuebe agingga alas dies ti agsapa tapno maipakita ti panagaramat iti kabaroan a teknolohia iti napaspaspas, naannayas, ken patas a panagganagan kadagiti kapagayan.
Segun ken ni Barangay Captain Paul Cabasal, gagem ti demonstrasion a maipakita no kasano a makatulong ti agricultural drone kadagiti mannalon iti panangpababa ti manual labor ken mapaalisto ti proseso ti fertilization
Paset pay daytoy iti panagsagsagana para iti epekto ti El Niño.
Manamnama a makatulong ti panagaramat iti daytoy a teknolohia iti modernisasion ti panagtalon ken panangpabuslon iti apit.
