VIGAN CITY – Kinarit ni House Deputy Minority Leader Carlos Isagani Zarate ni Presidente Rodrigo Duterte nga inagananna dagiti utek iti mapapati nga anomalya idiay Philippine Charity Sweepstakes Office.
Segun ken ni Zarate iti pannaki-uman ti Bombo Radyo Vigan kenkuana, nu talaga nga adda iti kurapsyon iti ahensya, rumbeng laeng a maimbestigaran ken madusa dagiti nagbasol.
Kinunana, dagiti laeng kuma korap nga opisyal iti madusa ket saan a mairaman dagiti ordinaryo a tattao a mangnamnama laeng iti tulong ti Philippine Charity Sweepstakes Office.
Atapen met iti agpanpanday linteg a ti panangipaserra ni Presidente Duterte kadagiti gaming operations ti PCSO ket pangkallob na laeng iti isyu ti endo wennu kontraktwalisasyon.
Ingunam-gunam na a ti presidente mismo iti nangikari a parmeken na iti endo ngem kalpasan iti tallo a tawen a panagtugaw na iti puwesto ket saan na pay laeng a natungpal iti kari na.
