VIGAN CITY – Nabuy-bust ti maysa a Priority Target ti Municipal Level a taga-Nanguneg, Narvacan ken sumango iti kaso a panaglabsing iti Comprehensive Dangerous Drugs Act of 2002.
Ti suspek ket ni Rudyver Cera alyas TAYAO, agtawen iti tallopulo ket pito nga agnaed iti nasao a lugar.
Naala kenkuana ti maysa a piraso ti small heat-sealed transparent plastic sachet ti shabu nga isu ti buy bust item, walo a piraso ti bassit a heat-sealed transparent plastic sachet iti mapapati a shabu nga ikot ti suspek a mapatta-patta nga agdagsen iti 0.9 gram ken aggatad iti sangapulo a ribo a pisos.
Malaksid ti dayta, naala pay kenkuana ti maysa a piraso ti transparent plastic sachet a naglaon iti napagango a bulong ti marijuana nga agdagsen iti 0.03 grams nga aggatad iti sangaribo a pisos, maysa a double mint case, traysikel, cellphone ken sangaribo a pisos a buy bust money.
