Maysa kadagiti suspek iti pammaltog iti security escort ni Mayor Isko, simmuko

Simmukon ti driver ti motorsiko a nagluganan ti suspek a nangpaltog iti retirado a pulis a security escort ni Manila Mayor Isko Moreno.

Impresentar ti Mayor ti suspek a ni Liegem Bulalacao wenno Biboy a simmuko kalpasan a nakikammayet iti opisyal iti barangay.

Segun ti mayor, nangteden ti suspek iti napapateg nga impormasyon tapno mabigbig iti dadduma pay a karaman iti krimen.

Inamin ti simmuko a suspek nga isuna iti nagmaneho iti motorsiklo idi napaltogan ni Capistrano babaen iti kinalubbonna a ni Albert Magdaraog.