Tutokan ti Animal Welfare Foundation ti panagiwaras ti impormasyon ken edukasyon iti publiko kangrunaan iti maipanggep ti fish welfare kasaruno iti panagkondenarda iti maysa a vlogger a nagluto kadagiti sibibiag nga ikan.
Iti pannaki-uman ti Bombo Radyo Vigan ken ni Atty. Heidi Caguioa a Chief Executive Officer nga Animal Kingdom Foundation, kondenarenda iti nasao a pasamak ta mangipakita dayta iti cruelty act kadagiti ikan a sibibiag.
Segun ken ni Atty. Caguioa, madanaganda kadagiti makabuya iti video ta amangan no agresulta laeng iti madi a mensahe ken isu pay iti agbalin a rason iti ad-adu a panagmaltrato kadagiti ayup.
Kinunana a maawatanna a bassit laeng iti makaammo ti Fish Welfare isu a napanunotda a ti sumaruno nga addang nga aramidenda ket iti panagiwaras iti impormasyon tapno maadalan iti publiko.
Kabayatanna, nagkiddawen ti pammakawan ti vlogger iti publiko ken inikkatnan ti video ngem saan a direkta a simmungbat iti surat kenkuana iti Animal Welfare Foundation.
