Nasarakanen ti motorsiklo nga immuna a naipadamag a napukaw iti public market ti Barangay Barangobong, Sta. Lucia.
Biktima ti babai nga agtawen iti duapulo ket tallo, taga-Sitio Salnap, Barangay Nangalisan.
Nagturong ti biktima iti motorsiklo iti Sta. Lucia Police Station tapno ipakaammo ti mapukpukaw a motorsiklo a nairehistro iti nagan ti sabali.
Iti pannaki-uman ti Bombo Radyo Vigan ken ni Police Captain Jake Riberal, alas kuatro iti malem ti Abril 27, 2026, imparking ti biktima ti motorsiklo iti nasao a lugar ta limmugan iti gayyemna nga imyananna ngem idi subliannan idi kalman ket naduktalannan a mapukpukaw.
Natunton ti motorsiklo babaen iti checkpoint iti ili ti Tagudin ta naduktalan dagiti pannakabagi ti linteg nga adda motorsiklo a nasitarda nga awan ti dokumento ken naikkat ti plakana.
Nupay kasta, ti chassis ken engine number ti motorsiklo ti nagibasaran dagiti pannakabagi ti linteg a daytoy ti mapukpukaw a lugan.
Naka-lock nga imbati ti biktima ti nasao a motorsiklo ngem adda pinugsat ti suspek a wire isu a napaandarda.
