--Ads--
Nauram ti maysa a pagtaengan idiay Barangay Dardarat, Tagudin, Ilocos Sur a kukua ni Cesario Dauz Valdez, agtawen iti limapulo ket walo, maysa a mannalon.
Iti pannaki-uman ti Bombo Radyo Vigan ken ni Fire Officer 3 Dick Israel, awan met ti nadangran iti napasamak nga uram ngem dagiti laeng alikamenda ti dimmapo.
Nakaawat ti Tagudin Municipal Police Station iti report nga adda uram a napasamak iti nasao a barangay isu a dagus met a tinurong dagiti kameng ti Tagudin BFP ken MDRRMO Tagudin.
Iti agdama, madukduktalan pay laeng no ania ti nagtaudan ti uram ken mano ti gatad dagiti nadadael a sanikua.
-- ADVERTISEMENT --
