Dead on arrival iti ospital ti maysa a lalaki nga agtawen iti tallopulo ket maysa a taga-Barangay Dasay, Narvacan gapu iti panagbekkelna.
Iti pannaki-uman ti Bombo Radyo Vigan ken ni PMaj. Christopher Ramat manipod Narvacan Police Station, pinasingkedan ti ama ti biktima nga iti alas dose y media itay aldaw, January 13, 2025 ket naggiddanda iti putotna a nangan ket kalpasanna simreken iti pagtaenganda ti biktima.
Segun ken ni Ramat, ngem bayat ti kaadda ti ama ti biktima iti ruar iti pagtaenganda ket nakanggeg iti uni iti uneg ti pagtaenganna isu a napanna kinita nga isun ti nakakitaanna iti putotna a nagbekkel babaen iti tali.
Naamoan manipod ti kabsat ti biktima a napan nagtrabaho ti biktima idiay Sinait idi December 27, 2024 ken nagawid iti pagtaenganda idi January 11, 2025 idin nakitana nga adda black eye ken lumlumteg iti rupa ti biktima ta mapapati a kinabil dagiti katrabahoanna, a posible a rason a pagparparikotanna.
Naduktalan a tunggal maka-inom iti nasanger ti biktima ket nalaing a makidinnanog.
Nupay naipan ti biktima iti Ilocos Sur District Hospital- Narvacan ket saanen a nakalasat.
VIDEO – PMAJ. CHRISTOPHER RAMAT
