--Ads--
Impasigurado ni Mayor Ray RJ Elaydo iti ili ti San Esteban a nakasaganada iti posible nga iduduprak ti bagyo Kristine.
Iti pannaki-uman ti Bombo Radyo Vigan ken ni Mayor Elaydo, dinayawna ti kinaalibtak ti Municipal Disaster Risk Reduction and Management Council iti inda panagsagsagana para iti bagyo.
Nabalakadanda met a nasapa dagiti agindeg nga agbakwit nangruna dagiti adda iti asideg ti kabaybayan.
Lima agingga pito a pamilia ti naibakwit iti nasao nga ili nga isu met ti masansan a paspasyarenda kadagiti evacuation center tapno siguradoen nga addada iti natalged a kasasaad ken maipaay dagiti kasapulanda.
-- ADVERTISEMENT --
Nupay kasta, nagyaman ti mayor kadagiti agindeg iti panangsurotda kadagiti naibilin kadakuada nga aramidenda ita nga adda bagyo.
