Mapukpukaw ni Gerald Pantallon Decano, agtawen iti limapulo ket dua, mannalon, taga-Barangay Ampuagan, Sta. Maria, Ilocos Sur.
Segun ken ni Edna Decano, pimmanaw ti asawana idi alas dos y media ti Mayo 13 a naglugan iti traysikelna ta ag-commute koma a mapan idiay Moncada, Tarlac a mapan gumatang iti pilid ti tractor.
Nakatinnawagna pay laeng ti asawana iti rabii nga iti dayta a gundaway ket adda idiay San Fernando City, La Union.
Iti kabigatanna, pinadas ni Decano a kontaken ti asawana ngem saanen a nagballigi.
Gapu dayta, nagpatulong kadagiti kabagyanna a kontaken ti missing person ngem awan latta ti nagbanaganna.
Ti missing person ket 5’7 ti katayagna, kalalaingan ti pammagina, brown ti kudilna ken ababa ti buokna a nangisit.
Naudi a nakita a nakasuot iti black tshirt, black cargo shorts, black facemask, ken black leather sandal.
