Sinungbatan ti Malakanyang ni dati nga Ilocos Sur Governor Chavit Singson, ket kunada a saan nga unaan ti Independent Commission on Infrastructure ken urayen ida nga agtignay iti imbestigasion kadagiti flood control project iti baluarte ni Presidente Ferdinand Marcos Jr. idiay Ilocos Norte.
Dayta ket kalpasan a kinarit ni Singson ti ICI nga imbestigaran nga umuna dagiti flood control project idiay Ilocos Norte ta adda dagiti proyekto a ti kontraktor ket dagiti agassawa a da Curlee ken Sarah Discaya.
Inawagan daytoy ni Palace Press Officer Atty. Claire Castro nga ‘irrelevant’ ti motibo ken panagariwawa ni Singson gapu ta kasuronna ti presidente ken sabali ti kankanunonganna iti agdama.
Kinuna pay ni Castro nga amangan ta nalipatan ni Singson nga adu pay dagiti proyekto idiay Davao City nga agingga ita ketmalaylayus pay laeng.
Nupay kasta, nakasagan ti presidente a mangsango kadagiti pammabasul kontra kenkuana, no la ketdi ‘substantiated’ wenno mapaneknekan.
