Pinasingkedan ti Malakanyang a “Good Luck” iti pakaammo ni Vice President Sara Duterte a kumandidato kas presidente inton 2028 national elections.
Segun ken ni Palace Press Officer Atty. Claire Castro, nangnggeg ni Pres. Ferdinand Marcos Jr. ti sarita ti bise presidente ket kinunana a good luck para iti nasao a banag.
Impaganetget met ni Castro nga umili iti nangibotos ken ni Marcos kalpasan a nagkiddaw ti pammakawan ni Duterte iti mapapati a panangtulongna para iti pannakabotosna.
Kinuna ni Castro nga aniaman iti naitulongna ket agpadada laeng a nagtinnulong gapu iti UniTeam isu a saanna a rumbeng a soloen ti credit no nangabak ti presidente.
Impaganetget ni Castro a makitkita dagiti tattao no siasino a talaga iti agtrabtrabaho.
Innayon ni Castro a rumbeng nga agkiddaw pay nga umuna iti pammakawan ni Duterte kadagiti mapapati nga isyuna iti korapsyon ken panagtakaw iti confidential funds iti Office of the Vice President (OVP) ken Department of Education (DepEd).
