Kinondenar ti Malakanyang iti panagaramat dagiti bastos a sarita dagiti dadduma a kandidato iti panagkampania.
Segun ken ni Palace Press Claire Castro, pinasingkedan ni President Ferdinand Marcos Jr. nga unacceptable ken saan a kaawat-awat ti nasao a naratibo ta rumbeng a mapagtalinaed ti tunggal kandidato ti panangiduron ti respeto, integridad ken kinapudno bayat ti panagkarida kadagiti botante.
Innayon ni Castro a saan a rumbeng a pagbalinen nga idolo iti kasta a klase ti politiko.
Nu idi ket maitaltal-o pay dagiti lider nga agsarsarita ti kinaawan a respeto kadagiti babbai, panangipannakkel iti panagbabai dagiti lallaki ken pagang-angawan ti rape ket saan itan nga ipalubos pay ni President Marcos.
Pakaragsakan iti Malakanyang ta napaspas iti panagtignay ti Comelec iti kasta a klase ti panagsarita dagiti kandidato.
VIDEO – PALACE PRESS OFFICER CLAIRE CASTRO
