Pormal nga imbabawin dagiti complainant babaen iti panangidaulo ti Tindig Pilipinas ti maikadua nga impeachment complaint kontra ken ni Vice President Sara Duterte.
Napan ti grupo iti opisina ni House Secretary Cheloy Garafil, kadua dagiti endorser ti reklamo a da Partylist Representatives Percival Cendaña ti Akbayan ken Leila de Lima ti Mamamayang Liberal.
Segun ken ni Kiko Dee, Co-Convenor ti Tindig Pilipinas, suportaranda ti maikatlo a reklamo tapno mapadaras ti proseso ti impeachment ken dagus a maipatulod ti reklamo iti Senate Impeachment Court.
Natalek ni De Lima a mapadaras ti pannaka-consolidate ti tignay nangruna iti panangiparang kadagiti ebidensia.
Impaganetget met ni Cendaña a saan daytoy a panagisanud no di ket panangiduron tapno masigurado amaysa a natibker nga impeachment case ti dagus a mayuli iti Senado.
