Inlawlawag ni Land Transportation Office (LTO) Assistant Secretary Markus Lacanilao nga awan iti mapasamak a panagkemmeg kadagiti e-bike a dumalan kadagiti national road.
Dayta ket iti baet iti pannakaisanud ti panagkemmeg kadagitoy a rumbeng koma a nangrugi idi kalman, December 1, 2025.
Impaganetget ni Lacanilao nga iparit pay laeng ti ahensya ti panagdalyasat dagiti e-bike iti national highways, ngem saanda a kemmegen no diketdi bagaan laeng dagiti enforcer.
Inlawlawag ti LTO chief a mabalin a dumalan kadagiti bike lanes dagiti e-bike no laketdi umanay iti linya kangrunaan dagiti two-wheeled e-bikes.
Innayonna a mabalin latta a dumalyasat dagiti e-bike kadagiti national highway ken ti laeng maiparit ket iti agtultuloy a panagdalanda kadagiti dadakkel a kalsada.
