--Ads--
Inwaragawag ti Land Transportation Office ti 3 a bulan a pannakayatiddug ti ‘validity’ wenno bileg dagiti lisensia ken rehistro nga ag-expiren.
Gagem ti addang a matulongan dagiti owner ti lugan iti nangina a presio ti produkto-petrolyo ken dagiti magatang.
Segun iti LTO, mayataday daytoy iti deklarasion ni Presidente Ferdinand Marcos Jr nga State of National Energy Emergency.
Sakup ti pannakayatiddug ti bileg ti addang dagiti dokumento nga ag-expire mangrugi inton April 2026 para iti period a 3 a bulan.
-- ADVERTISEMENT --
Karaman iti pammilin ti Driver’s and Conductor’s Licenses, Student-Driver’s Permits, ken Motor Vehicle Registration.
Iti salinong ti extended period, awan ti surcharges, penalties wenno muelta a maipataw kadagiti late renewal.
