VIGAN CITY- Inallukoy ni Lingayen-Dagupan Archbishop Socrates Villegas dagiti Katoliko nga agrosario iti baet dagiti report maipapan iti agresion ti China iti West Philippine Sea, segun iti website ti Catholic Bishops’ Conference of the Philippines (CBCP).
Mangrugi ti ‘Rosary Campaign’ inton Hunio 27 ken agpaut agingga iti Agosto 15, piesta ti Solemnity of the Assumption of the Blessed Virgin Maria.
Segun iti Arsobispo, kabayatan ti kampania, nasken nga aramiden dagiti tattao ti “acts of penance” ken “acts of charity”.
Impeksa pay ni Archbishop Villegas iti pakaseknanna iti tignay ti China iti West Philippine iti napalabas a sumagmamano nga aldaw.
Innayonna a ti China ket pangta iti Pilipinas ken nangpataud kadagiti isyu a mainaig kadagiti maritime zones, pagbiagan dagiti mangngalap, ken environmental concerns.
Nagpanawagan ni Arsobispo Villegas kadagiti umili a mangidepensa iti pagilian, para kadagiti unformed personnel nga agpatrolia iti Philippine waters, mangsalaknib kadagiti mangngalap, ken mangilaban iti national sovereignty.
Inallukoy na pay dagiti agpanpanday-linteg a mangisayangkat iti imbestigasion, ken dagiti piskal ken hues a mangitandudo iti hustisia ken mangidarum kadagiti tattao a nangdadael kadagiti legal ken administrative processes, a mangirisgo iti national security ken interes.
