Saan a patawan ti muelta ti Land Transportation Office (LTO ti late registration kadagiti lugan ken renewal ti driver’s license kadagiti lugar a nadidigra iti bagyo ken habagat.
Segun ken ni LTO Acting Chief Greg Pua Jr., dayta ket kasaruno ti bilin ni President Ferdinand Marcos Jr. ken Department of Transportation Secretary Vince Dizon a tulongan dagiti nadidigra iti agsasaruno a didigra a timmama iti pagilian.
Sakup ti memorandum ti weekly surcharge ti late motor vehicle registration ken driver’s license renewal manipod July 21 agingga 25, 2025 ken saan a nairehistro iti nakaituding a panawen.
Kinuna ni Pua a ti panagbilang ti aldaw ti sales invoice ket mangrugi inton August 8, 2025 tapno makaliklik ti penalty iti late registration iti new motor vehicles.
Maipatungpal pay ti 15-day period para ti settlement iti amin a traffic apprehension cases nga adda petsana a July 21 agingga 25.
